ليش فن الكونكريت صار ترند

فن الكونكريت هو أجمل مفاجأة في عالم الفنون اليدوية

لما نسمع كلمة “كونكريت”، أول صورة بتيجي في بالنا هي مباني رمادية، عمال بناء، وأسمنت ثقيل. بس المفاجأة؟ هاي الخامة اللي كانت محصورة في عالم الهندسة، اليوم صارت واحدة من أرقى وأجمل الخامات في الفنون اليدوية الحديثة

وأنا متأكدة إنك رح تندهشي لما تشوفي كيف ممكن نحول مادة قاسية زي الخرسانة لقطع فنية ناعمة، أنثوية، وأنيقة بتزين بيتك أو حتى تكون أساس مشروعك القادم

شو هو فن الكونكريت اليدوي؟

هو ببساطة فن تشكيل خلطة خاصة من الكونكريت (الخرسانة) داخل قوالب أنيقة بأشكال متعددة، بعدين بنزينها بألوان، لمعة، أو حتى تفاصيل ذهبية.

والنتيجة؟ قطع فنية زي

صواني ديكور أنيقة

شمعدانات وبيوت شموع فخمة

أواني زرع ميني

قالب للشمع

وحتى حاملات مجوهرات

وكل قطعة بتطلع مختلفة وفريدة… لأنه إنتِ اللي صنعتيها

ليش صار لهالدرجة محبوب؟

• قوة ومتانة: بيعيش لسنين وما بتنكسر بسهولة.

• لمسة أنثوية: رغم إنّه خامة “قاسية”، بس تصميمه بين إيديك بصير فن ناعم وراقي.

• سهل التعلُّم: ما بدك أدوات معقدة، تقدري تبدأي من البيت.

• حرية الإبداع: كل قطعة ممكن تصمميها بطريقتك، لونك، وأسلوبك.

• مشغولات الكونكريت مو بس حلوة… هي تحفة

أكتر تعليق بسمعه من البنات اللي بيشوفوا أعمالي:

مستحيل هاي من كونكريت

وهاي اللحظة بالذات… هي اللي بتحسسني إني عم بقدّم شي مميز ومختلف فعلاً.

هل هذا الفن إلك؟

• إذا بتحبي تصنعي بإيديك…

• إذا بتنبسطي لما تشوفي شي أنيق من شغلك

• وإذا نفسك يكون عندك مشروعك الخاص من بيتك

فأنا بحكيلك بثقة: فن الكونكريت هو مفاجأتك الحلوة

وأنتِ؟ لو حبيتي تصنعي أول قطعة كونكريت بإيدك… شو بتحبي تكون؟ صينية؟ شمعدان؟ ولا أصيص زرع صغير؟

اكتبيلي بالتعليقات حابة أسمع أفكارك